ಇಂದಿನಿಂದಲೇ ದುಬಾರಿ ದುನಿಯಾ ಆರಂಭವಾಗಿದೆ! ನೀರು, ಟೋಲ್, ವಿದ್ಯುತ್—ಎಲ್ಲದರ ಬೆಲೆ ಏರಿಕೆಯಿಂದ ಸಾಮಾನ್ಯ ಜನರ ಜೀವನ ಮತ್ತಷ್ಟು ಕಷ್ಟಕರವಾಗಿದೆ. ಹೊಸ ಆರ್ಥಿಕ ವರ್ಷದ ಆರಂಭದಲ್ಲೇ ಜನಸಾಮಾನ್ಯರಿಗೆ ಬೆಲೆ ಏರಿಕೆಯ ಬಿಸಿ ತಟ್ಟಿದ್ದು, ಮಾಸಿಕ ಬಜೆಟ್ ತಲೆಕೆಳಗಾಗಿದೆ.
ನೀರಿನ ದರ ಏರಿಕೆ
ಬೆಂಗಳೂರು ಜಲಮಂಡಳಿ (BWSSB) ಇಂದಿನಿಂದ ನೀರಿನ ದರವನ್ನು ಶೇ.3ರಷ್ಟು ಹೆಚ್ಚಿಸಿದೆ. ಇದರಿಂದ ಕಾವೇರಿ ನೀರಿನ ಬಳಕೆದಾರರ ಮಾಸಿಕ ಬಿಲ್ ಹೆಚ್ಚಾಗಲಿದ್ದು, ಗೃಹಬಳಕೆ ಹಾಗೂ ವಾಣಿಜ್ಯ ಬಳಕೆಯ ನೀರಿನ ವೆಚ್ಚ ದುಬಾರಿಯಾಗಲಿದೆ. ಬೆಂಗಳೂರಿಗರ ಮಾಸಿಕ ಖರ್ಚು ನೇರವಾಗಿ ಹೆಚ್ಚುವ ಸಾಧ್ಯತೆ ಇದೆ.
ಟೋಲ್ ದರ ಏರಿಕೆ
ರಾಜ್ಯದ ಹೆದ್ದಾರಿಗಳಲ್ಲಿ ಟೋಲ್ ಶುಲ್ಕವೂ ಏರಿಕೆಯಾಗಿದೆ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (NHAI) ಪ್ರತಿ ವರ್ಷದಂತೆ ಏಪ್ರಿಲ್ 1ರಿಂದ ಹೊಸ ದರಗಳನ್ನು ಜಾರಿಗೆ ತಂದಿದೆ.
ಪ್ರಮುಖ 9 ಟೋಲ್ ಪ್ಲಾಜಾಗಳಲ್ಲಿ ಶೇ.3ರಿಂದ ಶೇ.5ರಷ್ಟು ಹೆಚ್ಚಳವಾಗಿದೆ.
ವಿಶೇಷವಾಗಿ ಬೆಂಗಳೂರು–ಮೈಸೂರು ಎಕ್ಸ್ಪ್ರೆಸ್ವೇನಲ್ಲಿ ಸಂಚಾರ ಇನ್ನಷ್ಟು ದುಬಾರಿಯಾಗಲಿದೆ.
ಲಘು ವಾಹನಗಳಿಗೆ (ಕಾರು, ಜೀಪ್) 5 ರಿಂದ 10 ರೂಪಾಯಿ ಹೆಚ್ಚಳವಾಗಿದ್ದು, ಲಾರಿ ಮತ್ತು ಬಸ್ಗಳಿಗೆ 15 ರಿಂದ 40 ರೂಪಾಯಿವರೆಗೆ ಹೆಚ್ಚಳವಾಗಿದೆ. ಇದರಿಂದ ಸರಕು ಸಾಗಣೆ ವೆಚ್ಚ ಹೆಚ್ಚಿ, ದಿನಬಳಕೆಯ ವಸ್ತುಗಳ ಬೆಲೆಯೂ ಏರಿಕೆಯಾಗುವ ಸಾಧ್ಯತೆ ಇದೆ. ಲಘು ವಾಹನಗಳಾದ ಕಾರು ಮತ್ತು ಜೀಪ್ಗಳಿಗೆ ಕನಿಷ್ಠ 5 ರಿಂದ 10 ರೂಪಾಯಿ ಏರಿಕೆಯಾಗಿದ್ದರೆ, ಲಾರಿ ಮತ್ತು ಬಸ್ಗಳಂತಹ ದೊಡ್ಡ ವಾಹನಗಳಿಗೆ 15 ರಿಂದ 40 ರೂಪಾಯಿವರೆಗೆ ಹೆಚ್ಚಳ ಮಾಡಲಾಗಿದೆ. ಇದರಿಂದ ಸರಕು ಸಾಗಣೆ ವೆಚ್ಚ ಹೆಚ್ಚಾಗಲಿದ್ದು, ಪರೋಕ್ಷವಾಗಿ ದಿನಬಳಕೆಯ ವಸ್ತುಗಳ ಬೆಲೆ ಕೂಡ ಏರಿಕೆಯಾಗುವ ಸಾಧ್ಯತೆಯಿದೆ
ಜನಸಾಮಾನ್ಯರ ಮೇಲೆ ಪರಿಣಾಮ
ವಿದ್ಯುತ್, ನೀರು, ಟೋಲ್—ಎಲ್ಲದರ ದರ ಏರಿಕೆಯಿಂದ ಮಧ್ಯಮ ವರ್ಗದ ಜನರ ಜೀವನ ದುಬಾರಿಯಾಗಿದೆ. ಏಪ್ರಿಲ್ ತಿಂಗಳ ಮೊದಲ ದಿನವೇ ಜನರಿಗೆ ‘ಬೆಲೆ ಏರಿಕೆಯ ಶಾಕ್’ ಸಿಕ್ಕಂತಾಗಿದೆ. ಒಟ್ಟಾರೆಯಾಗಿ, ಬದುಕು ಸಾಗಿಸುವುದು ಇನ್ನಷ್ಟು ಕಷ್ಟಕರವಾಗುತ್ತಿದೆ.
