ಸ್ನೇಹಿತರೆ, ನಮಸ್ಕಾರ. ಕರ್ನಾಟಕ ರಾಜ್ಯ ಸರ್ಕಾರವು ಇತ್ತೀಚೆಗೆ ಬಾಡಿಗೆ ಮನೆಗಳಿಗೆ ಸಂಬಂಧಿಸಿದಂತೆ ಮೂರು ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ವಿಶೇಷವಾಗಿ ಬೆಂಗಳೂರಿನಲ್ಲಿ ಬಾಡಿಗೆ ಮನೆಗಳಲ್ಲಿ ವಾಸಿಸುವವರು ಹಾಗೂ ಮನೆ ಮಾಲಿಕರಿಗೆ ಈ ನಿಯಮಗಳು ಅನ್ವಯವಾಗುತ್ತವೆ.
೧. ಅಡ್ವಾನ್ಸ್ ಹಣದ ನಿಯಮ
ಹಿಂದಿನಂತೆ ಮನೆ ಮಾಲಿಕರು ಐದು ಅಥವಾ ಆರು ತಿಂಗಳ ಬಾಡಿಗೆಯಷ್ಟು ಹಣವನ್ನು ಅಡ್ವಾನ್ಸ್ ರೂಪದಲ್ಲಿ ಪಡೆಯುತ್ತಿದ್ದರು. ಆದರೆ ಈಗಿನಿಂದ ಎರಡು ತಿಂಗಳಿಗಿಂತ ಹೆಚ್ಚು ಬಾಡಿಗೆಯ ಹಣವನ್ನು ಅಡ್ವಾನ್ಸ್ ರೂಪದಲ್ಲಿ ಪಡೆಯಲು ಅವಕಾಶವಿಲ್ಲ. ಉದಾಹರಣೆಗೆ, ಮನೆ ಬಾಡಿಗೆಯ ಮೊತ್ತ ₹15,000 ಆಗಿದ್ದರೆ, ಅಡ್ವಾನ್ಸ್ ಹಣ ₹30,000 ಕ್ಕಿಂತ ಹೆಚ್ಚು ಇರಬಾರದು. ಈ ನಿಯಮವನ್ನು ಬೆಂಗಳೂರಿನಲ್ಲಿ ಕಟ್ಟುನಿಟ್ಟಾಗಿ ಜಾರಿಗೆ ತಂದಿದ್ದಾರೆ.
೨. ಬಾಡಿಗೆ ಒಪ್ಪಂದದ ನೊಂದಾವಣೆ
ಮನೆ ಬಾಡಿಗೆಗೆ ನೀಡುವಾಗ, ಮನೆ ಮಾಲಿಕರು ಕಡ್ಡಾಯವಾಗಿ ಬಾಡಿಗೆ ಒಪ್ಪಂದವನ್ನು ಮಾಡಬೇಕು. ಯಾವುದೇ ವ್ಯಕ್ತಿ ಅಥವಾ ಕುಟುಂಬ ಮನೆ ಬಾಡಿಗೆಗೆ ಬಂದರೆ, ಎರಡು ತಿಂಗಳೊಳಗೆ ಆ ಒಪ್ಪಂದವನ್ನು ರಿಜಿಸ್ಟರ್ ಕಚೇರಿಯಲ್ಲಿ ನೊಂದಾಯಿಸಬೇಕಾಗಿದೆ. ಬಾಡಿಗೆ ಒಪ್ಪಂದದ ನೊಂದಾವಣೆ ಈಗ ಕಡ್ಡಾಯವಾಗಿದೆ.
೩. ಬಾಡಿಗೆಯ ಮೇಲೆ ತೆರಿಗೆ (TDS)
ಮೂರನೆಯ ನಿಯಮವಾಗಿ, ತಿಂಗಳಿಗೆ ₹50,000 ಕ್ಕಿಂತ ಹೆಚ್ಚಿನ ಬಾಡಿಗೆಯನ್ನು ಪಾವತಿಸಿದರೆ, ಆ ಹಣಕ್ಕೆ ಟಿಡಿಎಸ್ (TDS) ಅನ್ವಯವಾಗುತ್ತದೆ. ಬಾಡಿಗೆಯ ಹಣಕ್ಕೆ ತೆರಿಗೆ ನಿಯಮವನ್ನು ಸರ್ಕಾರ ಕಡ್ಡಾಯಗೊಳಿಸಿದೆ.
ಈ ಮೂಲಕ, ಕರ್ನಾಟಕ ರಾಜ್ಯ ಸರ್ಕಾರವು ಬಾಡಿಗೆ ಮನೆಗಳಿಗೆ ಸಂಬಂಧಿಸಿದಂತೆ ಮೂರು ಪ್ರಮುಖ ನಿಯಮಗಳನ್ನು ಜಾರಿಗೆ ತಂದಿದೆ. ಸ್ನೇಹಿತರೆ, ಈ ಹೊಸ ನಿಯಮಗಳ ಬಗ್ಗೆ ನಿಮ್ಮ ಅಭಿಪ್ರಾಯವನ್ನು ಹಂಚಿಕೊಳ್ಳಿ.
